٥ دروس اتعلمتها من كتاب Find Your Why لسيمون سينيك
كتاب Find your why لسيمون سينيك كتاب يستحق القراءة فعلا
دي ٥ دروس اتعلمتها و حبيت اشاركم بيها
الدرس الاول : الناس مابيشتروش ولا بيصدقوا فكرتك الا لو انت فعلا مصدقها ومؤمن بيها
ايمانك بفكرتك كفيل بايمان الناس بافكارك وبهدفك
عشان كدة فكرة سيمون سينيك عن الدايرة الذهبية مركزها هي السؤال ”ليه عايز الناس تؤمن بفكرة معينة او منتج معين“ why
وبعدها بيجي سؤال الكيفية ”ازاي انشر فكرتي او منتجي“ how اما الدايرة الاخيرة هي ”ايه اللي لازم اعمله عشان الناس تؤمن بفكرتي او تشتري منتجي“
الناس مابتسمعكش او تنصت ليك او تشتري منتجك الا لو فيه ”ليه“ ليه انت مؤمن بيها؟ ليه بتبنيها؟؟ ليه بتسوقها؟
قبل ماتنشره فكرتك.. موهبتك… منتجك .. لازم تكون قادر عن اجابة السؤال المحوري ده … ليه؟؟ ليه الفكرة دي انت مؤمن بيها؟ ليه حاسس انها اتأثر في الناس؟؟ ليه حاسس انت المنتج ده هايهم الناس ويساعدهم ؟؟
الدرس الثاني: ايمانك بفكرة او منتج او مشروع .. لازم يخليك انتقائي في اخد رأي الاخرين واخذ النصيحة.
المثل بيقول : من جاور السعيد يسعد… والافكار كدة .. بتنمو لو حوليها بيئة داعمة..
جرب كدة تابع منتديات لافلام كورية.. ماتحب الافلام الكورية وتتابعها ”زيي كدة :)
نفس الحالة لو احطت نفسك بمثقفين في مجال معين.. .هاتحب تقرأ فيه.. جرب تتابع مستثمرين ورواد اعمال .. هاتلاقي نفسك بتدور علي فكرة جديدة …
الsupport system او incubating environment الو البيئة الداعمة لناس عندها نفس حلمك أو شغفك هايخلوك مثابر على تحقيقه..
بافتكر كلمة في فيلم الليبي بتشرح الموضوع ده بشكل كوميدي بس حقيقي ”واحد مصاحب علي علوكة واشرف كو..ة — هايطلع ايه … طيار؟“ :)
جاور السعيد تسعد .. جاور المثقف تتثقف.. جاور الشغوف تحلم … جاور المستثمر .. تكون رائد اعمال.
الدرس الثالث : فيه فرق كبير جدا بين النجاح والانجاز success vs. acheivment
الانجاز هو سلم بتطلعه لحد ماتحقق النجاح
اعمل اللي لازم اعمله ” عشان تحقق اللي انت بتحلم بيه
Attain your purpose “what” until you achieve your “why”
الدرس الرابع : الأفكار زي الاكل ممكن يعفن ويبوظ لو ماتسخنش
الافكار دايما لازم تتجدد.. حتى وهدفك واضح .. لازم يكون عندك سعة لافكار جديدة واراء من دورها انها تساعدك في تحقيق هدفك.
ناس كتير حققوا احلامهم بتجديد افكارهم وسماعهم لنصايح ناس خبيرة في مجالات ممكن تكون مرتبطة بتحقيق حلمك.
الدرس الخامس: كل فترة والثانية لازم تراجع حلمك وفكر فيه ثاني وثالث
احيانا اعادة النظر في ومراجعة اهدافك بيفيد كتير جدا في تحقيق حلمك وهدفك
ساعات اعادة النظر بيكون زي مسح ازاز النظارة .. بيوضح الرؤية ويخلينا شايفين اهدافنا بشكل افضل
الكتاب ده عظيم وصراحة دروسه كتير جدا بس دي كبسولة صغيرة كدة ان شاء يعجبكم
اشوفكم في البوست اللي جاي
شارك ولايك كومنت ولو حبيتوا .. ممكن تقترحوا مواضيع للكتابة فيها.
رأيكم يهمني ”راجع الدرس الثاني ” :)
شادي القصاص
شوف الفيديو الجميل ده قبل ماتمشي